Liwat nga nadugangan sang isa ka panibag-o nga kaso sang Coronavirus Disease ukon COVID-19 ang probinsya sang Capiz.//
Sandig sa ginpaguwa nga official statement ni Capiz Governor Esteban Evan Nonoy Contreras isa ka 38-anyos nga Seafarer nga residente sang Barangay Tanza Sur, Panay ang nagpositibo sa nasambitan nga virus.//
Nagbiya sa probinsiya sang tinalikdan nga Hulyo 19, 2020 padulong sa Metro Manila sakay sa eroplano sang Caticlan Airport sa probinsiya sang Aklan.//
Nahibaluan nga ginpaidalum sa RT-PCR test sa Chinese General Hospital and Medical Center sa Metro Manila ang amo nga indibidwal sadtong Hulyo 20 apang naguwa ang resulta nga positibo ini sa COVID-19.//
Sa karun, nagapabilin nga asymptomatic ang nasambit nga seafarer kag padayon nga gina-quarantine sa Temporary Treatment and Monitoring Facility sa Alabang Muntinlupa City, Metro Manila.//END
