Ika-duha nga kasal sang nag-viral nga couple sa Negros Oriental, nagdangat sa isa ka milyon ang gasto

ROXAS CITY- Nagdangat sa P1-Milyon ang nagasto sa kasal sang viral couple nga sanday Janine kag Jove sadtong lunes, Hunyo 17.

Matandaan nga nag-viral ang duha sadtong Hunyo 8 kun sa diin ginpadali ang seremonya sang kasal nga ginpatigayon sa Amlan kag wala man lang ini na enjoy ang paglakat sa red carpet samtang ginahulat sang iya nga groom sa altar.

Mahibaluan nga ang wedding take 2 ang ginhiwat sa Brookes Place sa Barangay Batinguel, Dumaguete, Negros Oriental.

Natigayon ang amo nga ikaduha nga kasal matapos nga mag-viral ang post sang bride, kag madamo sa mga indibidwal ang nagpadala sang ila mensahe sa couple agud mag-offer sang bulig agud mahigayon ang ika-duha nga kasal.