ROXAS CITY, CAPIZ- Nagahigyaw, nangin masinadyahon, napuno sang kalipay kag labi pa nga gindugok sang tawo ang ginpatigayon nga Week 7 Palengke Draw sang ‘Swerte sa Palengke 2025’ Promo sang Bombo Radyo kag Star FM sa Teodoro Arcenas Trade Center, Roxas City, Capiz.
Nagtipon ang mga participants halin sa nagkalain-lain nga lugar, dala ang ila paglaum nga magdaog sang mga premyo sa raffle draw kag iban pa nga pa-indis-indis.
Kabahin man sang programa ang mga parlor games, lakip na ang Videoke Challenge nga ginpasakupan sang mga tumalan-aw kag ginkalipay sang kadam-an.
Isa sa mga aktibo nga participant amo si Ethel Balbona sang Barangay Libas, Roxas City, Capiz, nga naggamit sang proof of purchase nga Birch Tree Fortified Milk nga gin-interview sang Bombo Radyo.
Suno sa iya, madugay na siya naga-apil sa nasambit nga promo, kag subong nga adlaw personal gid siya nga nagpadulong sa Teodoro Arcenas Trade Center agud isumiter ang iya mga proof of purchase nga isa sa mga kwalipikasyon para makasulod sa promo kag naswertehan ini nga nabunutan para sa P1,000 cash kag P500 worth of gift pack nga papremyo.
Samtang, kaupod sini nga mga tagdaog sa Cash Prizes with gift packs amo sanday: Evadonna Samillano sang Sitio Tambak, Barangay Culasi, Roxas City, Capiz nga naggamit sang San Miguel Pale Pilsen, Margielyn Belo sang Barangay Poblacion Ilaya-Ivisan, Ivisan, Capiz nga naggamit sang Birch Tree Fortified Milk, Susan Cabio sang Barangay Dinginan, Roxas City, Capiz nga naggamit sang proof of purchase nga San Miguel Pale Pilsen, Gloria Magbanua sang Barangay Milibili, Roxas City, Capiz nga naggamit sang Birch Tree Fortified Milk, Juvy Zamora sang Barangay Dinginan, Roxas City, Capiz nga naggamit sang proof of purchase nga San Miguel Pale Pilsen, Christine Octavio sang Barangay Cabugao Oeste, Panay, Capiz nga naggamit sang proof of purchase nga Efficascent Oil, Charito Casiple sang Barangay Milibili, Roxas City, Capiz nga naggamit sang Birch Tree Fortified Milk, Elizabeth Bojos sang Barangay Cagay, Roxas City, Capiz nga naggamit sang Bioderm Germicidal Soap, kag Susan Racaza sang Rizal Street, Roxas City, Capiz nga naggamit sang proof of purchase nga Birch Tree Fortified Milk.
Samtang, nagdaog naman sa Videoke challenge si Ma. Remedios Villasotto sang Barangay Ilaya-Ivisan, Ivisan, Capiz kag si Jocelyn Plamer naman sang, Barangay Bagacay, Panay, Capiz ang nagdaog sa Bombo-Star nga lunsay nakabaton sang P500 cash nga premyo.
Yari naman ang mga maswerte nga tagdaog sa Week 7 Studio Draw, sa 1st prize nga nagabalor sang P5,000 amo si Rhea Abea sang Barangay Balucuan, Dao, Capiz nga naggamit sang proof of purchase nga Bioderm Germicidal Soap, sa 2nd prize nga nagabalor sang P4,000 amo si Apple Jay Mantua sang Barangay Tiza, Roxas City, Capiz nga naggamit sang proof of purchase nga Orocan, sa 3rd prize nga nagabalor sang P3,000 amo si Ma. Dolores Abayon sang Barangay Poblacion Campo, President Roxas, Capiz nga naggamit sang proof of purchase nga Birch Tree Fortified Milk, kag sa consolation prizes winners naman amo sanday Jocelyn Galvarole sang Barangay Guintas, Sigma, Capiz nga naggamit sang proof of purchase nga Dr. S. Wong’s Sulfur Soap, Jennifer Delandao sang Hemingway Street, Barangay XI, Roxas City, Capiz nga naggamit sang proof of purchase nga Efficascent Oil, kag si Letecia Ataal sang Barangay Milibili, Roxas City, Capiz nga naggamit sang proof of purchase nga Birch Tree Fortified Milk, nga lunsay makabaton sang P1,000 cash kada isa.
Para sa pagclaim sang inyo nga mga premyo, magpadulong diri sa istasyon sang Bombo Radyo Roxas, Arnaldo Boulevard, Barangay Baybay, Roxas City sa adlaw sang Lunes, Agosto 25 takna las 9:00 sa aga kag magdala sang duha ka mga valid ids (original kag photocopy).
Padayon ang kampanya sang “Swerte sa Palengke 2025” bilang isa ka inisyatibo nga nagahatag sang kasadya, paglaum, kag inspirasyon sa mga pumuluyo, labi na sa nagapadayon sa pagsuporta kag partisipasyon sa programa.
