Iloy kag duha sini ka mga kabataan, patay sa sunog matapos ma-trap sa sulod sang ila balay

DAVAO CITY – Patay ang isa ka 33 anyos nga iloy kag duha sini ka mga kabataan sang ma-trap sila sa nasunog nga balay sa Davao City.

Natabo ang insidente kahapon, Nobyembre 25 sang kaagahon sa Barangay Gumalang, Baguio District.

Ginapahayag nga wala na nakaguwa sa balay nga human sa light materials ang iloy upod ang iya anak nga babaye nga anum ka tuig kag isa pa ka anak nga lalaki nga duha ka tuig.

Wala naman sang nakit-an nga foul play sa natabo nga insidente.