Posible nga balikan pa sang iloy ang fetus nga nasapwan sang janitor sang isa ka pribado nga unibersidad sa tangke sang toilet bowl sang CR sang library sang nagapanglimpyo ini.
Ini karon ang nagaguha sa dugang nga pag-imbestigar ni Police Master Sergeant Ronnie Recto, imbestigador sang Roxas City PNP.
Ginpahayag ni Recto nga posible man nga estudyante ang iloy sang fetus nga ginpangalanan kay Baby Angel kag daku man ang posibilidad nga gin-imnan sang bulong nga pampahulog sang wala pa makilala nga iloy.
Apang nagaguha sa padayon nga imbestigasyon nga plano balikan sang iloy ang fetus nga ginpahamtang sa tangke sang toilet bowl bangud bisan paano nakunsensiya ini, apang naunahan lamang sang janitor sang eskwelahan nga nagapanglimpyo.
Nagapati si Recto kun wala sang plano nga balikan sang iloy ang fetus, ginflush na kuntani niya ini sa toilet bowl.
Ginatsekyar naman sa karon ang logbook kag CCTV footage sa library.
