Nagapati si Senate Committee on Basic Education Chairman Senator Sherwin Gatchalian sa importansya sang papel sang mga ginikanan sa pagpanubo sang numero sang teenage pregnancies kag HIV infections sa pungsod.
Suno kay Gatchalian, dapat lamang nga kilalahon sang mga programa nga ginpatuman sang gobyerno ang papel sang mga ginikanan kag sang mga parent-substitutes para sa pagbuo kag pagpatuman sang mga polisiya nga magahatag sang madugay nga epekto sa mga kabataan.
Dugang pa ni Gatchalian, epektibo nga ipatuman ang Parent Effectiveness Service Program Act ukon ang Republic Act No. 11908 nga nagahatag sang nasambit nga mekanismo agud sabtan ang mga hamon nga ginapangatubang sang mga kabataan.
Dugang pa sang mamalidha nga gina-imbestigahan sang komite ang implementasyon sang Comprehensive Sexuality Education kag kung ito ang nakasunod ayhan sa mandato sang Responsible Parenthood and Reproductive Health (RPRH) Act of 2012.
Gintumod pa sang senador nga ang layi, may yara sang reproductive health education nga angkop sa edad kag development sang mga kabataan.
