Gin-anunsyo ni President-elect Donald Trump nga ang iya inagurasyon ang pagahiwaton sa sulod sang U.S. Capitol Washington, DC.
Ang ini nga desisyon ang nagmarka sang una nga kahigayunan sa sulod sang 40-tuig nga ginbalhin ang seremonysa sa sulod. Paathag ni Trump, ang iya concern amo ang risgo nga dala sang sobra kalamig nga panyempo kag dugang pa sini, indi nya luyag nga mapahamak ang mga magatambong sa seremonya.
Ginalauman nga mangin mas malamig pa ang temperatura sa US bangud sa nabatyagan sang wind chill nga magapanubo sa nababatyagan nga tyempo nga possible pa nga umabot sa freezing point.
Sang 1985, gintestingan man ni Former President Ronald Reagan nga ibalhin sa sulod ang iya inauguration bangud sa kapareho nga matindi nga lamig. Sa amo nga kahigayunan, ginbalita nga ang wind chill ang bumagsak sa -10 tubtob -20 degrees Fahrenheit. Samtang ginbalhin man ang parada ni Trump sa Capital One Arena, isa ka sports stadium sa downtown Washington. Indi naman maathag kun paano patigayunon ang parada sa sulod sang arena, apang plano ni Trump nga mag-upod sa mga tawo pagkatapos sang iya pagpanumpa.
