Gin-ako ni anay budget undersecretary kag UP ecxonomic Prof. Cielo Magno nga indi santo sa karon nga sitwasyon para sa mga benepisaryo sang PhilHealth ang pagkakas sang budget para diri.
Pahayag sini nga indi insakto nga makadto ang epekto sa mga recipient sang bulig bangud lamang sa kapasalawan sang pila ka opisyal nga ma-utilize ang ila nga budget.
Suno pa kay Magno nga indi man mag-igo ang reserba nga pondo para sa kabug-usan nga mga balayran bangud sa kadamuon sang nagamasakit nga pigado kag ang iban amu ang mga contributors sang government health insurer.
Ginpanugyan sini sa Kongreso nga bangud sa nasambit nga tikang, mangin dugang nga palas-anon na naman ini sang mga ordinaryo nga mamumugon.
Dugang pa sini nga kuntani kuhaon ini sa taxes, kasubong sang nagikan sa sugary products, tabako kag iban pa, nga maathag man nga yara sa layi.
Pagpati ni Usec. Magno, rason nga gina-prioritize sang mga mamalidha ang pagpain sang pondo sa pila ka selected programs, bangud ginagamit ini sang mga politiko para sa pamulitika.
Suno sa iya nga magapalapit ang mga nagapangayo sang bulig sa talatapan sang lokal nga opisyal para magkuha sang gurantee letter, kun sa diin magapasundayag ang mga pulitiko, imbes nga direkta na kuntani sa PhilHealth kag indi na maglagas ukon magpakitluoy pa sa mga pulitiko.
Rason suno kay Magno nga nagapareparar na sila para ilapit ini sa Korte Suprema, bangud nagapati sila nga kinahanglan nga ideklarar nga Unconstitutional ang mga tikang sang mga mamalidha kag posible nga magtuga sang malain nga epekto sa mga pigado nga nagalaum lamang sa government health insurer agud mangin tayuyon ang pagpabulong.
