Nagapangayo sang daku nga kantidad ang mga otoridad sang Iran sa mga pamilya nga namatyan sa nagluntad nga protesta sa Iran antes ibalik ang ila mga bangkay para ilubong.
Suno sa report, ang mga bangkay ginatago sa mga mortuary kag ospital, kag wala ginahatag kon indi magbayad ang mga pamilya.
Nahibaluan nga indi magnubo sa 2,435 ka tawo ang napatay sa masobra duha ka semana nga protesta sa bug-os nga pungsod.
Suno sa isa ka pamilya sa northern city sang Rasht, nagdemand sang 700 million tomans ang security forces para sa paghilway sang mga bangkay sang ila mga pinalangga, nga naka-hold sa Mortuary sang Poursina Hospital upod sa 70 pa ka napatay nga mga nagaprotesta.
Samtang, sa Tehran naman sa sentro sang Iran, isa ka pamilya sang isa ka Kurdish seasonal construction worker ang ginpangayuan sang 1 bilyon tomans agud makuha ang mga bangkay sang isa ka napatay nga nagprotesta.
Apang bangud indi nila masarangan nga bayaran ang ginapangayo nga kwarta, napilitan sila nga maghalin nga wala nakuha ang bangkay sang ila mga pinalangga.
Tubtob subong, may kabug-usan nga 2,435 ka tawo ang napatay sa masobra duha ka semana nga protesta sa Iran.
