Ginpahanugutan sang Iran ang 20 ka mga barko sang Pakistan nga mag-agi sa Strait of Hormuz, isa ka tikang nga gintawag sang Pakistan nga isa ka daku nga kontribusyon sa pagpahagan-hagan sang nagapadayon nga krisis sa enerhiya sa rehiyon.
Suno sa report, kabahin ini sang mas malapad nga kasugtanan sa diin ginapahanugutan sang Iran
ang strait para sa mga pinili nga mga sakayang pandagat sa pihak sang nagapadayon nga tensyon sa Middle East.
Nahibaluan nga ang Strait of Hormuz isa ka importante nga alagyan sa global market
sang gatong,kun sa diin nagaagi ang 20% sang supply sa kalibutan.
Sa tunga sang krisis, amat-amat man nga ginapakita ang limitado nga pag-agi sang mga barko sa strait, bisan pa nga nagapabilin nga strikto ang kontrol kag mataas ang risgo sa seguridad.
Samtang, ginalauman nga maga-abot sa Islamabad ang nagkalain-lain nga mga foreign ministers gikan sa rehiyon agud magpatigayon sang mga paghinun-anon nga nagatuyo sa pagtapos sang inaway kag pagmentinar sang kalig-on sang supply sang enerhiya.
Suno sa mga opisyal, importante ini nga tikang agud malikawan ang mas malapad nga epekto sang inaway sa ekonomiya kag sa pangkalibutanon nga merkado sang enerhiya.
