Nagpanindugan ang Iran nga indi ini maghiwat sang bag-o nga nuclear talks tubtob nga gina-atake ang ila pungsod.
Ginhimo sang Iran ang pahayag matapos nga nagpaandam ang Israeli Defense Minister sa malawig nga inaway sa Islamic Republic.
Una diri, ang Foreign Minister sang Iran nga si Abbas Araghchi, sa tion sang iya pagsinapol sa mga European diplomats sa Geneva, naghingyo sang pagbangon liwat sang mga diplomatic efforts sa Amerika may kaangtanan sa nukleyar nga programa sang ila pungsod.
Ginpahayag man sang opisyal sang Iran nga handa lamang sila nga ikonsiderar ang diplomasya kon mag-untat na ang agresyon sang Israel.
Ginpanindugan man sang opisyal sang Iran nga malinong ang ila nukleyar nga programa kag ang pag-atake sang Israel ang nagalapas sa international law.
Bangud sini, magapadayon ang Iran sa pag-exercise sang iya lehitimo nga kinamatarong agud depensahan ang iya kaugalingon kag suno sa iya, indi negotiable ang defense capabilities sang Iran.
Samtang, sa tunga sang nagapadayon nga pagbayluhanay sang mga pag-atake sa tunga sang Israel kag Iran, ginreport sang mga human rights groups nga naglab-ot sa ginabanta 639 ang numero sang mga napatay sang Huwebes.
