Ginkumpirmar sang state media sang United Arab Emirates (UAE) nga isa ka tawo ang napatay sa Abu Dhabi, pagkatapos nga nagbalos ang Iran paagi sa pag-atake sang missile, sa tanan nga base sang Naval sang Estados Unidos sa mga estado sang Gulf Arab states.
Wala naman nagpaggawa nagpaguwa ang United Arab Emirates sang dugang nga detalye nahanungod sa isa ka tawo nga napatay.
Ginpahayag sang mga otoridad sa Kuwait, Qatar, UAE kag Jordan nga may yara sang presensya sang militar sang Estados Unidos. nga gin-intercept nila ang mga missile antes sila makatuga sang dugang nga kahalitan.
Gin-ako naman sang Islamic Revolutionary Guard Corps (IRGC) ang responsibilidad sa pag-atake.
Suno diri, gin-alegar naigo ang “All occupied territories” sang base militar sang U.S. sa rehiyon.
Samtang, ginkumpirmar sang Bahrain nga amo man nga grupo ang nagpamomba sa ila kag naigo ang isa ka U.S service center sang U.S. Fifth Fleet.
Makita sa mga video nga naglapta ang madamol nga aso malapit sa baybayon samtang nagatunog ang mabaskog nga mga sirena sa lugar.
Sa pihak nga bahin sang Abu Dhabi, ang mga otoridad nagpaguwa sang emergency alert sa mga pumuluyo nga magkadto sa pinakamalapit nga luwas nga building kag likawan ang mga bintana bangud sa pamahog sang missile.
May mga report man nga wala ginalauman ang paglupad sang mga fighter jet sa pila ka bahin sang syudad.
Sa Doha, ang militar sang Qatar nagsiling nga ila gin-intercept ang mga missile antes ini nakalab-ot sa ila teritoryo pagkatapos sang “joint coordination.”
Apisar nga nagpaguwa sang paandam ang U.S. Embassy sa Doha nga magpabilin sa sulod sang balay, nagapadayon sa gihapon ang normal nga aktibidad para sa pila ka mga residente.
Apang, sang nagpaguwa ang gobyerno sang shelter-in-place alert paagi sa mga mobile phone, naibanan ang mga tawo sa dalan kag nagkitid ang dalagan sang trapiko.
Suno sa Kuwaiti army, ila gin-intercept kag gin-neutralize ang mga missiles sa ila airspace, samtang ginpahayag sang Jordan nga ginpalupok sini ang duha ka Iranian ballistic missiles.
Bangud sa nagalala nga tensyon, temporaryo nga ginpauntat sang pila ka international airlines ang ila flights padulong sa pila ka bahin sang Middle East.
Base sa datos sang flight-tracking data, halos wala sang komersyal nga eroplano ang nagalupad sa kahawaan sang Iran.
