Patay ang isa ka motorista matapos maaksidente sa Barangay Maninang, Sapian, Capiz.
Ang biktima amo si alyas ‘Nald’, 40-anyos kag tumandok sang banwa sang Ivisan.
Sa interview sang Bombo Radyo kay Police Lieutenant Steve Ian Bautista, Officer in-charge sang Sapian Municipal Police Station, iya ginpahayag nga ginasubay sang biktima ang dalanon halin sa banwa sang Ivisan kag padulong kuntani sa banwa sang Mambusao.
Apang, pag-abot sa tulay sang Barangay Maninang, hinali nalang nadulaan sang kontrol sa pagmaneho ang biktima kag aksidente bumunggo sa barrier sang tulay kag natumba.
Suno kay Bautista, bangud sang pagkabunggo, nag-angkon sang patal nga pilas sa ulo ang biktima.
Gintinguhaan pa nga dal-on sa ospital ang biktima apang gindeklara nga dead on arrival sang attending physician.
Sa subong, yara na sa kustodiya sang kapulisan ang nasambit nga motorsiklo samtang nagapadayon ang imbestigasyon sa nasambit nga insidente.
AV OF Police Lieutenant Steve Ian Bautista, Officer in-charge sang Sapian Municipal Police Station
