TAPAZ, CAPIZ- Patay ang isa ka myembro sang Communist Party of the Philippines – New People’s Army (CPP-NPA) samtang isang ka high-powered firearm man ang nakumpiskar sa isa ka engkwentro sa tunga sang militar kag mga rebelde sa Brgy. Lahug, Tapaz, Capiz, sang Setyembre 13, 2025.
Sa interview sang Bombo Radyo kay Colonel Erwin Rommel Lamzon, Chief sang Public Affairs Office sang 3rd Infantry Division, iya ginpahayag nga takna la-1:15 sang hapon sang magpatigayon sang Focused Military Operation ang 61st Infantry (Hunter) Battalion, kaupod ang 12th Infantry Battalion, 82nd Infantry Battalion, kag ang 31st Division Reconnaissance Company, matapos makabaton sang report nagikan sa mga residente hanungod sa presensya sang armado nga grupo sa lugar.
Suno kay Lamzon, ginkumpirma sang militar ang pagkapatay sa isa ka miyembro sang NPA kag ang pagkakumpiskar sang isa ka M16 rifle.
Dugang pa niya, madinalag-on nga nabalabagan sang hubon ang plano sang rebelde nga grupo nga magpatigayon sang kalakasan sa lugar.
Pahayag pa sang natungdan, ginatinguhaan na sa karon sang ila nga bahin nga kilalahon ang biktima agud pormal ang bangkay sini sa pamilya.
Interviewed by Bombo Sunnie Mae Constantino Batencila
