IVISAN, CAPIZ – Isa ang kumpirmado nga napatay sa nagluntad nga karambola sang mga salakyan sa banwa sang Ivisan.
Ginkilala ang biktima kay Maricel Sargento, isa ka street sweeper sa nasambit nga banwa.
Sa interview sang Bombo Radyo kay Ronald Sargento, bana sang biktima, nagahilibion nga ginsaysay sini ang natabo kun sa diin bag-o lang sila dul-ong sa ila bata sa eskwelahan kag igadul-ong niya kun tani ang iya asawa sa banwa agud mag-duty apang hinali lang nag-overtake sa ila ang ten wheeler truck rason nga natumba sila sa motorsiklo kag nahulog ini sa tuo nga bahin samtang ang iya asawa sa nawala nga bahin kun sa diin nalapakan ini sang truck nga gintunaan sang kamatayon.
Sa inisyal nga impormasyon nagikan sa lugar padulong sa Kalibo, Aklan ang amo nga truck sang nadulaan ini sang preno sa banwa sang Ivisan.
Samtang madamo pa sang mga salakyan, stalls kag mga persona nga naulamid kag nagkalapilasan nga gindala sa ospital.
Sa karon padayon pa ang imbestigasyon sang mga otoridad angut sa natabo nga insidente.
