ROXAS CITY – Nakahunong na karon sa karsel sang Panitan Municipal Police Station ang isa ka 20-anyos nga lalaki matapos nga ginaalegar nadakpan nga nagpangawat sang pito ka mga manok nga pangbulang sa Barangay Salocon, Panitan, Capiz.
Ginkilala ang mga suspek nga si Carlo Aninacion, sang Barangay San Jose sining siyudad apang nakapalagyo naman si Hector Distor, 32 anyos sang Barangay Cabugao sang amo nga banwa.
Sandig sa imbestigasyon sang mga kapulisan nga nagpangayo sang responde ang isa ka concerned citizen sa Barangay Official sang amo nga barangay matapos nga nakabati ini sang ginahod sang mga manok gikan sa isa ka abandonado nga balay rason nga ginpadulungan man ini gilayon ni Kagawad Joel Deluviar kag didto nadakpan sa akto ang mga suspek.
Natalana naman nga pasakaan sang panumbungon ang mga suspek sang two counts of theft kag direct assault.
Sa karon, nagapabilin si Aninacion sa kustodiya sang Panitan PNP matapos nga ini siya ang nadakpan.
