Isa sa mga pilason nga biktima sa paglupok sang pabrika sang bala, ginbawian na sang kabuhi.

Patay ang isa ka empleyado sang pabrika sang bala matapos naglupok sa Marikina City. 

Ginkumpirmar naman ni Police Colonel Geoffrey Fernandez, hepe sang Marikina City PNP nga bangud sa malubha nga pilas nga iya naangkon, wala ini nagdugay sa ospital. 

Samtang may pilas sa lawas ang iya duha pa ka mga kaupdanan.

Ang mga biktima lunsay mga empleyado sang Armscor Global Defense Incorporated sa diin nagahimo sila sang mga bala sang sang naglupok ang primer component.

Makaligad ang pila ka oras, ginbawian sang kabuhi ang biktima sa Amang Rodriguez Memorial Medical Center bangud sang grabe nga pilas sa dughan tuga sang shrapnel. 

Nagpasalig naman ang kumpaniya nga magakooperar sila sa imbestigasyon nga ginapatigayon sang kapulisan.