Ginkumpirmar sang Philippine National Police (PNP) nga isa sa mga tul-an nga narekober sa Taal Lake ang tul-an sang balikawang sang tawo.
Una na nga ginpahayag sang PNP nga anum ka mga tul-an nga narekober sa mga sako ang gintumod nga mga tul-an sang tawo.
Base sa inisyal nga report, isa diri ang human hip bone, apang wala pa mahibaluan kon halin ini sa nadula nga sabungeros.
Sa subong, padayon pa ang examination sang PNP Forensic Group agud mahibaluan kun may unod nga mga tul-an sang tawo ang mga narekober nga sako, kag kun ini ang mga bankay sang mga nadula nga sabungero.
Una na nga ginreport sang PNP nga may nakuha na nga DNA samples halin sa tubtob 12 ka mga himata sang mga nadula nga sabangero kag ginalauman nga madugangan pa samtang nagapadayon ang imbestigasyon.
Tubtob subong, lima na ka sako ang narekober sa search area samtang nagapadayon pa ang pag-dive sang mga technical divers sang Philippine Coast Guard (PCG).
Natapos man sang PCG ang pagpangita sa una nga quadrant sang search area matapos ang pila ka adlaw nga pag-dive kag ginalauman nga magasaylo na sa iban nga quadrants. Gintunga sa apat ka quadrants ang search area kun sa diin ginapatihan ginhaboy ang mga bangkay sang mga missing nga sabungero.
