Nagbayluanay sang lupok pamaagi sa airstrikes ang Iran kag Israel, matapos nga ginlunsar sang Israel ang ila sini hungod nga pag-atake sa ila madugay na nga kaaway agud mapunggan ini sa pagpauswag sang nuclear weapons.
Makusog nga tunog sang sirena ang mabatian sa kahanginan sa Tel Aviv kag Jerusalem, ang duha ka pinakadako nga syudad antes ang pagtakop sang adlaw nga nagadul-ong sa mga residente sa tagsa nila ka mga puluy-an.
Ginsiling sang military nga ang ila nga air defense systems nagahulag, nagapaninguha nga punggan ang mga missiles sang Iran sa diin nga sang nakaligad nga mga inoras, dinosena ka mga missile ang ginlunsar padulong sa Israel nagikan sa Iran ka gang iban ang natigayon nga nasagang.
Samtang, ginsiling man nila nga nagapadayon sa operasyon ang mga katapo sang ila nga rescue teams sa palibot sang ila nga pungsod kag wala pa naman suno sa iya sang nareport nga may napatay.
