Israel, naglunsyar sang daku nga pag-atake sa Syria

Naghimo sang daku nga airstrike ang Israel sa Damascus, Syria.

Ginpahayag sang Syrian health ministry nga tatlo ka tawo ang napatay kag 34 ka iban pa ang napilasan sa amo nga pag-atake.

Hugot nga ginpakamalaot sang Syria ang pag-atake sang Israel nga nagpuntirya sa pila ka mga building sang gobyerno sa Damascus.

Gintawag sini ang insidente nga isa ka “dangerous escalation.”

Nagpanumpa ang Syria nga magabalos ini sa pag-atake sang Israel.

Ginhimo sang Israel ang pag-atake agud amligan ang mga Druze, isa ka Arab minority nga nagapakig-away sa gobyerno sang Syria.

Una na nga gintawag sang Israeli Prime Minister Benjamin Netanyahu nga isa ka pamahog sa ila ang bag-o nga lider sang Syria.