Naglunsyar sang panibag-o nga pag-atake ang Israel sa Lebanon kag Iran, ini na ang isa ka semana nga inaway sa Middle East.
Suno sa Israeli Defence Forces (IDF), naglunsyar sila sang dalagku nga serye sang mga pag-atake sa sentro sang Lebanon nga Beirut, nga target ang sites sang Hezbollah.
Lakip sa sini ang mga command centers kag multi-story buildings sa sentro subong man ang isa ka pasilidad sa diin nakatago ang ga drone sang militante nga grupo, nga ginagamit para sa ila terror attacks sa mga tropa sang Israel kag sa estado.
Bangud sini, nagsaka sa 123 ang death toll sa pagpang-atake sang Israel sa Lebanon subong nga semana samtang 683 naman ang napilasan base sa data sang Lebanese Ministry of Public Health.
Narekord man ang bag-o nga mga paglupok sa kapital sang Tehran sa diin, suno sa report sang state media, isa ka shopping street ang naigo pila ka oras matapos gin-anunsyo sang Israel nga naglunsyar sila sang dalagku nga serye sang mga pag-atake sa Iran.
Base sa report sang Iranian state media, naglab-ot na sa 1,045 ang numero sang mga napatay sa Iran humalin sang tingub nga pag-atake sang Israel kag Amerika.
