Ginkumpirma sang militante nga grupo nga ginpatay sang Israeli military ang pinuno sang Hezbollah nga si Hassan Nasrallah sa airstrike sining Biyernes sa Beirut, Lebanon.
Gintarget sang Israeli fighter jets sadtong Biyernes ang headquarters sang militante nga grupo, nga makit-an sa isa ka lugar sa southern suburbs nga ginkilala bilang Dahiyeh, suno sa Israeli military.
Ginpahayag sang Israel Defense Forces (IDF) nga si Nasrallah ang nag-operate halin sa headquarters kag nagduso sang terrorist activities batuk sa mga pumuluyo sang Estado sang Israel.
Ginlaragway sang Hezbollah si Nasrallah bilang isa ka “sagradong martir” kag nagpromisa nga ipadayon ang pakigbato sini sa Israel.
Ginpahayag sang grupo nga ang ila pinuno ang napatay matapos ang isa ka “taksil nga Zionist airstrike sa southern suburbs.”
