ITCZ, Shear line kag Amihan, magadala sang mga pag-ulan sa pila ka lugar sa pungsod

Padayon sa gihapon nga makaapekto sa pila ka mga lugar sa Luzon kag Visayas ang naeksperyensyahan nga ITCZ, Shear line kag Amihan subong nga adlaw.

Bangud diri, lauman ang lapta-lapta nga pag-ulan, pagpanaguob kag pagpangilat ilabi na sa bahin sang Visayas, Bicol Region, kag MIMAROPA nga epekto sang shear line.

Kasubong man sa Davao Region kag SOCCSKSARGEN bangud sa Intertropical Convergence Zone.

Makaapekto naman ang Northeast Monsoon ukon Amihan sa Cagayan Valley, Cordillera Administrative Region, Aurora, Quezon Metro Manila kag nabilin nga bahin sang Luzon kung sa diin magadala sang mahinay nga pag-ulan.

Samtang, bwas nga adlaw lauman ang isolated rain showers ukon thunderstorms sa nabilin nga bahin sang Mindanao.