ROXAS CITY – Ginapa-dismiss sa serbisyo ang isa ka police woman matapos nagpangastigo kag nagpangluthang sang isa ka sibilyan sa Sitio Badlan, Barangay Pob.Ilawod, Maayon, Capiz, bangud sa pato.
Sa exclusive interview sang Bombo Radyo Roxas kay Allen Camiring, spokesman sang NAPOLCOM Regional OFfice 6, napamatud-an nga may probable cause ang ginpasaka nga reklamo ni Antonio Delfin batuk kay SPO3 Cleofe Diaz nga sadto na-assign sa Maayon PNP apang karon na-assign na sa Roxas City PNP.
Nahibaluan nga ginpasakaan sang administrative complaint for grave misconduct si Diaz sa NAPOLCOM region 6 matapos nagpangtampuyong, nagpangluthang kag ginpapreso pa si Delfin.
Ginhatagan sang napulo ka adlaw si Diaz para makapasaka sang motion for reconsideration sa nangin desisyon sang NAPOLCOM.
