ROXAS CITY-Nagpahamtang sang replika sang lungon ang pamunuan sang Puluy-an sang Pagpalangga Crisis Center para sa mga nadakpan nga nagalapas sa ordinansa sang syudad angut sa pagsuksuk sang facemask kag pag-obserbar sang social distancing kag paglapas sang Executive Order sa idalum sang General Community Quarantine.
Ginpahayag ni Mrs. Lorelie Suelo nga ang mensahe sang lungon ang makabulig sa mga menor edad nga nagalinagaw sa pihak nga may yara sang curfew, mga indibwal nga wala nagasuksuk sang facemask kag wala naga-obserbar sang social distancing nga posible kamatayan ang ila sini madangatan.
Naglab-ut naman sa 72 ka mga indibidwal ang nagkaladakpan sang mga kapulisan nga nagalapas sa layi sa diin 39 dri ang mga menor de edad kag 33 ang mga wala nagsuksuk sang facemask kag wala naga obserbar sang social distancing.
Ginpasalig naman ni Suelo nga nagapadayon ang ila pagpanakup sa mga nagalapas sa ordinansa sang syudad kag mga nagkaladakpan ang ginadala sa crisis center agud ipadalum sa orientation.
Samtang nagpaandam si Suelo sa mga ini nga may yara sang multa nga nagalab-ut sa P3,000 sa mga padayon nga nagalapas sa layi angut sa covid-19.
