ROXAS CITY – Ginpanginwala ni Barangay Kagawad Maricris Calipayan nga kalakip ini sa nagpangharras sa mga pumuluyo sa Angelville Subdivision sa Barangay San Jose, Roxas City.
Suno kay Calipayan nga posible nadalahig lamang siya bangud nakaupod man ini sang nagpatigayon sang inspeksiyon sang nasambit nga mga indibidwal sa housing units sang mga miyembro sang grupo sa Angelville.
Ginkakibot ni Calipayan nga nalakip ang iya nga pangalan sa mga ginreklamo nga mga miyembro sang asosasyon sa talatapan ni Mayor Ronnie Dadivas.
Kalakip sa mga ginareklamo nga mga opisyales amo sanday Punong Barangay Albert Calipayan kag mga barangay kagawad nga sanday Joselito Cordovero, Richard Blancaflor, Maricris Calipayan, Joselyn Dela Peña kag barangay treasurer Jose Dela Cruz.
Nahibaluan nga pasakaan sang Grave Abuse of Authority, Grave Misconduct kag Usurpation of Authority ang nasambit nga mga opisyal matapos nagtuga sang pagkahangawa sa seguridad sang mga tagreklamo ang ginaalegar pagpamahog sa ila.
