ROXAS CITY-Gin-ako ni Barangay Kagawad Juy Olmedo nga ginpaksi sini ang Social Amelioration Cards nga ginabawi sang mga nadiskwalipika nga mga senior citizens sang social amelioration program sa Barangay Lonoy, Roxas City.
Aminado si Olmedo nga ang 5 ka mga senior citizens ang nauna nga nalakip sa listahan nga makabaton sang social amelioration package apang sang ginvalidate na sang Municipal Social Welfare and Development ukon MSWDO, ginkakas ini sila bangud natukiban nga lunsay may mga negosyo kag may mga himata nga abroad ang mga nasambit nga mga senior citizens.
Gindugang pa ni Olmedo nga gintinguhaan sini nga ipaintindi sa mga senior citizens nga indi ini sila kwalipikado sang ayuda apang luyag nga bawion sang mga ini ang ginsulatan nga social amelioration cards rason nga ginpakamaayo ni Olmedo nga paksion ang mga cards.
Ginapanindugan ni Olmedo nga daan nga mga sac forms ang ginpaski sini nga ginsulatan sang mga senior citizens kag may yara sang panibag-o nga sac forms nga ginhatag ang mswdo.
Samtang gintudlo naman ni Olmedo ang mga katapu sang Municipal Social Welfare and Development office nga nagsugo sa iya nga paksion ang mga sac forms agud malikawan nga magduda ang mga nagareklamo nga gamiton ini sa pagpangwarta.
