-- ADVERTISEMENT --
ROXAS CITY – Ginabulubanta naglab-ot sa mas ukon menos P210,000 ang kahalitan sang sunog nga nagluntad sa isa ka balay sa Kilometer 1 Brgy. 10, Roxas City.
Ginapanag-iyahan ang amo nga nbalay nanday Anthony kag Antonio Tinsay, nga lunsay residente sang nasambit nga lugar.
Mahibaluan nga totally burned ang amo nga balay nga nagaserbe boarding house kag may pwesto sang machine shop kag sari-sari store.
Base sa imbestigasyon sang Roxas City Fire Station, nagsugod ang sunog alas 4:40 kaina sang aga nga gilayon naman nga ginrespondehan sang katapo sang bombero kag gindeklarar nga fire out alas 05:31 sang aga.
Sa karon, padayon pa ang imbestigasyon sang Roxas City BFP sa nasambit nga sunog.
-- ADVERTISEMENT --
