Kamara, nakapreparar sa pagbulig sa mga distrito nga naapektuhan sang bagyo Pepito

Nakapreparar nga magpaguwa liwat sang pondo ang House of Representatives para sa mga lugar ukon distrito nga nasakupan sang mga miyembro sini nga naapektuhan sang Bagyo Pepito.

Suno kay House Speaker Martin Romuadez, ginahulat nila ang report sang ila mga miyembro kag kun pila ang halit sa tagsa nila ka mga lugar agud makapaguwa sang pondo para sa mga biktima sang bagyo.

Ginalauman nga subong nga adlaw sang Lunes magasumiter na ang mga miyembro sang Kongreso sa mga lugar nga naigo sang bagyo.

Suno sa mga nauna nga report, tuman nga naapektuhan ang Bicol region kun sa diin nagsulod ang Bagyo Pepito sadtong weekend kag nagtuga sang kahalitan.