Obligado ang Kamara de Representantes nga aksyunan ang gin-file nga impeachment complaint batuk kay Vice President Sara Duterte bangud mandato ini sang Konstitusyon.
“We have the constitutional duty, and we’re bound by that mandate to act on all impeachment complaints filed with the House,” pahayag ni House Assistant Majority Leader kag Tingog Party-list Rep. Jude Acidre, chairman sang House Committee on Overseas Workers Affairs.
Apang may personal nga pag-duha duha, siling naman ni Bataan 1st District Rep. Geraldine Roman, chairperson sang House Committee on Women and Gender Equality, kinahanglan nga gampanan sang Kongreso ang mandato nga ginasaad sa Konstitusyon.
Una na nga ginganyat ni Presidente Ferdinand “Bongbong” R. Marcos Jr. ang mga kaalyado sini sa Kongreso nga indi na pag-ipadayon ang mga plano nga impeachment batuk kay Duterte, nga ginapahayag nga indi ini makapaayo sa mga Pilipino kag maga-delay lamang ini sa pagtutok sang Kongreso sa mas importante nga isyu sang pungsod.
Sa pihak sini, nag-file sang separado nga reklamo nga impeachment ang mga lider sang civil society kag religious group, pati na man ang Makabayan bloc, nga nag-akusa kay Duterte sang mga paglapas sa Konstitusyon, katiwalian, panunuhol, pagtaksil sa tiwala sang publiko, kag iban pa nga dalagkuan nga krimen.
Gintumod ni Acidre ang tikang bilang pamatuod sang luyag sang publiko para sa pananagutan.
“Siguro nitong paghahain ng impeachment complaint ng mga civil society groups ay isa lamang pagpapatunay na ang taong-bayan mismo ay naghahanap ng accountability sa kanilang mga halal na pinuno, lalung-lalo na sa kasong ito ng Bise Presidente,” siling sa kongresista.
Ginsiguro naman ni Roman sa publiko nga ang proseso sang impeachment ang pagahiwaton sang tapat kag naayon sa rule of law.
“Lahat ng dapat, what we have to take in mind, for example, the questions of whether it is correct in form and in substance and siyempre papakinggan natin lahat ng panig. Due process will be followed,” dugang pa ni Roman.
Ginpaandam pa ni Acidre nga ang pag-file sang impeachment ang nagatugma sa mga padayon nga tikang sang Kamara iduso ang pananagutan.
Ang reklamo ang dapat isumiter sa plenaryo sa sulod sang 10 session days, samtang ang Justice Committee ang magatukod kun sufficient ini in form and substance agud magpadayon.
Sa pihak sang mga ginapangatubang nga hamon, gintalupangod ni Roman ang determinasyon sang Kongreso nga tumanon ang mga responsibilidad sini nga konstitusyonal.
