Kapin 121 ka mga investors, desidido na nga magpasaka sang kaso batuk sa mag-asawa nga Anciano

ROXAS CITY – Wala nagpakita sa ikatatlo nga kahigayunan ang mag-asawa nga Anciano sa hearing nga ginpatigayon sa Brgy. Baybay kaupod ang Punong barangay kag mga investors.

Sa pagpakig-angot sang Bombo Radyo kay Punong Barangay Rey Magallanes, ginpahayag sini nga wala na sang rason agud indi paghatagan sang Certificate of Complaint ang mga investors batuk sa nasambit nga mag-asawa bangud sila ang napaslawan nga magtambong sa hearing.

Suno pa sa kapitan nga wala na sila sang mahimo bangud nagasunod sila sa due process.

Sa karun, desidido na nga magpasaka sang panumbungon ang 121 ka mga investors batuk sa mag-asawa nga Anciano kag sa korte nalang sila magaatubangay.