-- ADVERTISEMENT --
Ginabulubanta nga yara sa mas ukon menus 250 ka mga kapulisan nga nagikan sa mga kabanwahanan sa probinsya ang iga-deploy sa palaabuton nga Sinadya Festival 2024 sa syudad sang Roxas.
Sa interview sang Bombo Radyo kay Roxas City PNP Chief PLTCOL. Lumyaen Lidawan, ginpahayag sini nga nakalakip sa mga lugar nga pagahamtangan sang mga kapulisan amo ang Pueblo de Panay, Roxas Avenue, Plaza sang syudad, baybay, Provincial Park, TATC, City Hall, Cathedral church kag iban pa.
Ang ginatuyo sang mga ini amo ang mapabilin ang kalinong kag katawhay sang palibot sa nagahilapit nga kahiwatan.
