Ginbuyagyag sang Bureau of Immigration (BI) ang sobra nga paggamit sang backdoor channel sang pungsod sa bagay sang human trafficking.
Suno kay BI Deputy Spokesperson Melvin Mabulak, halos 50% sang mga Filipino nga biktima sang human trafficking series nga sa ulihi ginbalik sa pungsod ang kumpirmado nga nagagamit sang backdoor channels.
Ginsiling sini nga tuman kabudlay ang trabaho sang BI bangud ang Pilipinas may malapad nga baybayon kun sa diin kinahanglan nga bantayan ang tanan agud gilayon nga mapauntat ang mga sindikato nga nagatinguha sa pagbyahe sang mga biktima sang trafficking halin sa Pilipinas padulong sa iban nga pungsod.
Suno kay Mabulak, naghingyo na ang BI sa Philippine Coast Guard nga hugtan ang pagpatrolya sa mga kadagatan, ilabi na sa mga lugar nga mahimo mangin taytay padulong sa iban nga pungsod.
Samtang, ang iban pa nga mga biktima sang human trafficking nga wala ginpadala paagi sa backdoor channels ang nakit-an man nga may maayo nga travel profile.
Gin-athag ni Mabulak nga una na sila nga nakabiyahe sa nagkalain-lain nga pungsod bilang trabahador ukon turista, gani indi man tuman ka kwestyonable ang ila profile ilabi na kun immigration counter ang pagahambalan.
Bangud sini nga problema, ginpahayag sini nga halos adlaw-adlaw nga may gina-endorso ang BI sa Inter-Agency Task Force against Trafficking para sa nagakaigo nga imbestigasyon.
Ginhatagan pagtamod sang opisyal nga kabahin sang human trafficking system sa pungsod ang bangud sa mga recruitment sa social media, gani suno sa iya nga kinahanglan nga gilayon nga bantayan sang nagkalain-lain nga ahensya ang mga sites.
