BOMBO ROXAS – Ginsabat ni Punong Barangay Ferdinand Bacanto sang Barangay Culilang, President Roxas, Capiz ang reklamo ni anay Punong Barangay Ronaldo Arroyo angut sa wala sini pagpahanugot nga makapauli sa barangay ang tatlo ka mga himata ni Arroyo nga mga Locally Stranded Individuals (LSI).
Suno kay Bacanto nga wala sang koordinasyon sa barangay ang pagpauli sang mga himata ni Arroyo kabangdanan nga ini ang nagtulod sa iya agud indi paghatagan sang permiso nga makapauli sa nasambit nga barangay apisar nga nagnegatibo na ang mga resulta nila sa RTPCR Test.
Suno diri nga antes mag-isyu ang Local Government Unit (LGU) sang Letter of Acceptance (LOA), nagakadapat anay nga may koordinasyon sa lebel sang barangay agud mahibaluan kun bala mga residente mismo sang isa ka barangay ang mga magapauli nga mga LSI’s.
Nakumpirmar sini nga may magapauli nga mga LSI’s nga residente sang nasambit nga barangay sang ini mismo ang nagpanawag sa Municipal Disaster Risk Reduction and Management Office (MDRRMO) sang President Roxas nga ginkadismaya sini.
Wala man sini mapunggan nga tawgon si Arroyo nga butigon bangud wala sang kamatuuran ang mga pahayag sini.
