Nagsaka sang 78% ang kaso sang scam calls sa Pilipinas sa ika-tatlo nga quarter sang 2025, sa diin halin sa 34,964 sang tinalikdan nga quarter padulong sa 62,390, suno sa anti-scam app nga Whoscall sang Gogolook.

Suno kay Mel Migriño, Country Head kag General Manager sang Gogolook Philippines, ginalauman nga magapadayon ang pagdamo sang kasubong nga sahi sang pagpanunto tubtob sa katapusan sang tuig.

Nahibaluan nga ang mga scam call ang may tema nga rewards system ukon nagatan-ay sang pautang nga may delayed nga bayad.

Samtang, sa pihak nga bahin, nagnubo naman ang mga SMS scam sa kapareho nga panahon.