ROXAS CITY-Pilason ang katapo sang Philippine Army matapos nga nagbungguanay ang duha ka mga motorsiklo sa Barangay Baye-baye, Jamindan Capiz.
Ginkilala ang napilasan nga si Ronnel Guillermo, katapo sang Philippine Army kag residente sang amo man nga lugar.
Sandig sa inisyal nga imbestigasyon sang Jamindan Municipal Police Station nga samtang ginasubay sang biktima ang dalan, aksidente ini nga nabungguan sang motorsiklo nga ginamaneho ni Rey Bajin, 47-anyos residente sang Barangay Poblacion sang nasambit nga banwa.
Bangud ini nag-angkon sang pilas sa magkatuhay nga porsyon sang lawas si Guillermo nga gindala sa ospital kag padayon pa nga ginabulong.
Samtang yara na sa kustodiya sang mga kapulisan ang duha ka mga motorsiklo para sa nagakaigo nga disposisyon.
