MILIBILI, ROXAS CITY – Napaslawan nga makapangawat ang tatlo ka mga ginapahayag kawatan matapos, makabatyag ang isa sa mga residente sa Sitio Sumiga, Barangay Milibili, Roxas City.
Sa interview sang Bombo Radyo kay Punong Barangay Anabelle Roxas sang Barangay Milibili, Roxas City ginpahayag sini nga ginpalab-ot sa iya sang isa sa mga Barangay Kagawad nga suno sa isa nila ka pumluyo may yara sang isa ka tricyle nga nabilin sa may bahin sang Sitio Sumiga kun sa diin ginsakyan sang mga kawatan.
Suno kay PB Roxas, base sa panaysayon sang ila pumuluyo mga alas 2:00 sang kaaganhon nakabugtaw sila bangud sa magahod nga tunog sang tricycle.
Bangud sini, gilayon nila nga ginguha agud kun tani tsekyaron apang madasig nga nakapalagyo ang tatlo ka mga indibidwal kag ginbayaan ang tricycle nga ila ginsakyan sa kalikutan nga bahin.
Ginapahayag nga magapangawat pa lamang kun tani ang mga ini.
Nagpalab-ot naman sang pasalamat ang Punong Barangay sa pumuluyo nga nagakooperar agud matublag ang mga kawatan nga nagaplano nga maghimo sang kaangay sini nga buluhaton.
