ROXAS CITY – Nag-anunsiyo sang kanselasyon sang klase buwas nga adlaw (Disyembre 2) ang pila ka mga kabanwahanan sa Capiz bangud sa paglaslas sang ulan tuga sang Bagyong Tisoy.
Ini matapos nagdeklarar ang pila ka mga alkalde sa nagkalain-lain nga kabanwahanan sa Capiz kag siyudad sang Roxas.
Kalakip sa mga kabanwahanan nga suspendido ang klase sa elementarya amo ang banwa sang Pilar, Pontevedra, Mambusao, Sigma kag Roxas City.
Samtang, suspendido naman ang klase sa elementarya kag sekondarya sa banwa sang Ivisan samtang suspendido naman ang tanan nga lebel sa banwa sang Panay.
Kanselado naman ang biyahe sang barko kag mga sakayang pangisda sa probinsya sang Capiz kasunod sang ginpapanaog nga tropical cyclone signal no. 1 bangud sa Bagyong Tisoy.
Ini ang ginpahayag ni Lt. Commander Edison Diaz, station commander sang Philippine Coastguard (PCG-Roxas) sang mainteview sang Bombo Radyo.
