ROXAS CITY – Ginakabig nga fake news sang hepe sang Estancia Police Station ang naglapta nga balita nga patay na ang ginbansagan nga ”Killer Bading”, nga nagmolestiya kag nagpatay sa 14-anyos nga solterito sa Barangay Tingui-an, Balasan, Iloilo.
Sa interview sang Bombo Radyo Roxas kay Senior Inspector Jona Galicia, ginpahayag sini nga wala sang kamatauoran ang naglapta nga balita, bangud alive and kicking pa sa sulod sang bilangguan kaupod ang iban nga mga inmates si Raden Gonzales alyas Smile.
Suno kay Galicia sa pihak nga patung patong ang mga kaso nga ginapangatubang ni alyas Smile ila ginaproteksyunan ang tawhanon nga kinamatarung sini bilang isa ka inmate.
Ginkumpirma man sang opisyal nga kalakip si alyas Smile sa mga inmates nga igailig na sa Bureau of Jail Management and Penology ukon BJMP sa Barangay Nanga, Pototan, Iloilo buwas.
Matandaan nga ginpatay sang suspek ang binatilyo pinaagi sa pagpasulod sang kahoy sa alatrasam sang biktima sa diin nagguwa sa autopsy nga naglab-ot tobtob sa intestine sang biktima ang nasambit nga nga kahoy.
