Ikaw Bombo Jessa, sarangan mo maglakat sang masobra 1,000 kilometers?
Didto sa Estados Unidos, mabilib ka gid sa isa ka kuring nga nagtalang sa Yellowstone National Park sa US bangud apisar nagtalang, nakapauli ini balik sa balay sang nagatatap sa iya.
Ang ginhimo sang kuring…. syempre naglakat lang siya pero ang iya ginlakat, baw masobra 1,200 kilometers man!
Sandig sa report, nadula ang kuring nga ginhingadlan kay Rayne Beau, duha ka tuig nga seal point mitted siamese .
Suno sa tag-iya nga sanday Susanne kag Benny Anguiano gikan sa Salinas, California, ginpangita nila ang nasambit nga kuring sa park sa lima ka sunod-sunod nga adlaw apang wala nila ini natalupangdan.
Isa ka bulan matapos madula si Beau, nagdesisyon ang mag-asawa nga magsagod sang bag-o nga kuring apang ginkakibot nila sang nagtawag ang isa ka pet rescue center kag nagpahibalo nga yara sa ila poder ang si Beau.
Ginkalipay naman sang mag-asawa nga makita ang ila hinuptanan apang nasuboan man bangud nagniwang ini sang ginabanta 3 ka kilo.
