Ginkumpirmar sang Philippine National Police nga nabalhin na ang kustodiya ni Kingdom of Jesus Christ Pastor Apollo Quiboloy sa Pasig City Jail.
Ini matapos nga ginmandu sang Pasig City RTC ang pagbalhin sang pasilidad sa kontrobersyal nga Pastor sang Nobyembre 22 pa.
Suno kay PNP spokesperson Police Brigadier General Jean Fajardo, gindul-ong sang mga tinawo sang PNP si Quiboloy bilang pagtuman sa mandu sang korte.
Kun matandaan, halin sang madakpan ini, ginkustudiya na sa Philippine National Police Custodial Center sa Camp Crame samtang nagapabilin man ini sa Philippine Health Center para sa iya medical concern.
Nagapangatubang si Quiboloy sa patong-patong nga kaso kalakip na ang child and sexual abuse kag non-bailable qualified human trafficking sa Pasig RTC.
