ROXAS CITY – Arestado ang 37-anyos nga lalaki matapos ang ginkasa nga drug buybust operation sa Barangay Cudian, Ivisan, Capiz.
Ginkilala ang nadakpan nga si alyas ‘Romeo’ residente sang Sitio Arcabalo, Barangay Bolo, Roxas City.
Natigayon nga madakpan si ‘Romeo’ matapos nabaklan sang isa ka sachet sang ginapatihan iligal nga droga sa baylo sang buybust money.
Narekober sa posesyon sang arestado ang 3 tanan ka sachet sang ginapatihan iligal nga droga nga may kabug-aton nga 1 ka gramo kag may standard drug price nga P6,800, coin pouch, buybust money kag motorsiklo.
Natala ini nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
Sa karon nagapabilin ini sa karsel sang Ivisan PNP para sa nagakaigo nga disposisyon.
