Lalaki dakop matapos ang ginkasa nga Drug Buybust Operation sang mga kapulisan sa syudad sang Roxas

ROXAS CITY – Arestado ang isa ka lalaki sa ginkasa nga drug buybust operation sa Graceville Subdivision, Barangay Tiza, Roxas City.

Ginkilala ang subject person kay alyas “Mak”, 38-anyos kag residente sang Barangay 2 sa nasambit nga syudad kag temporaryo nga naga-istar sa Barangay Tiza.

Sa impormasyon nga nakuha sang Bombo Radyo ginpahayag nga nadakpan ang amo nga persona pinaagi sa ginkasa nga drug buybust operation sang mga katapo sang Station Drug Enforcement Team (SDET) sang Roxas City PNP.

Samtang narekober sa paghinakop ni alyas “Mak” ang 5 tanan ka sachets sang shabu kag P2000 nga buybust money.

Sa karon, yara na ini sa karsel sang Roxas Component City Police Station para sa nagakaigo nga disposisyon.