-- ADVERTISEMENT --
Dakop ang isa ka lalaki matapos ginserbehan sang warrant of arrest sang mga kapulisan sa Barangay Natividad, Pilar, Capiz.
Ginkilala ang nadakpan kay alyas “Janjan”, 32-anyos kag residente sang Sitio Taytay, Brgy. San Ramon, Pilar, Capiz.
Nahibaluan nga nagapangatubang sa kaso nga murder ang amo nga akusado.
Ang warrant of arrest ang ginpapanaog kag ginpirmahan ni Hon. Esperanza Isabel E. Poco-Deslate, Presiding Judge RTC, Sixth Judicial Region, Branch 19, Roxas City, Capiz nga napetsahan Enero 9, 2019.
Wala naman sang may ginrekomendar nga piyansa ang korte para sa temporaryo sini nga kahilwayan.
Sa karon, yara na sa kustodiya sang Pilar MPS ang akusado kag natalana nga iga-turn-over sa court of origin para sa nagakaigo nga disposisyon.
-- ADVERTISEMENT --
