PONTEVEDRA, CAPIZ – Nadakpan ang isa ka lalaki sa ginkasa nga drug buy-bust operation sa banwa sang Pontevedra, Capiz.
Ang subject person ang ginkilala kay alyas “Toto”, 48 anyos kag residente sang Barangay Rizal, Pontevedra, Capiz.
Sandig sa nakuha nga impormasyon sang Bombo Radyo sa Pontevedra Municipal Police Station, nakumpiska sa subject person ang 45 gramos sang ginapatihan shabu nga may street value nga P306,000 pesos,isa ka caliber 38 revolver kag apat ka live ammunition.
Sa subong, yara na sa paghinakop sang Pontevedra Municipal Police Station ang subject person para pormal nga pagapsakaan sang kaso nga paglapas sa RA 9165 ukon Comprehensive Dangerous Drugs Act of 2002, kag RA 10591, ukon ang Comprehensive Firearms and Ammunition Regulation Act.
