Dakop sa akto nga nagapatigayon sang illegal nga pagpangisda ukon “TRAWL”, ang isa ka persona sa kalalawran nga sakop sang Panay Capiz.
Mahibaluan nga ini pinaagi sa gintingub nga pwersa sang Panay Municipal Police Station, kaupod ang katapo sang Municipal Environment and Natural Resources Office-Panay (MENRO-Panay).
Nakuha sa nadakpan ang (1) unit pump boat nga nagavalor P100,000.00, (2) unit 12 HPS Diesel Engine nagabalor P60,000.00, lambat nga nagabalor P150,000.00 kag mas o menus (5) kilos sang nanari-sari nga isda nga may market value nga P1,000.00 kung sa diin sa kabug-usan may grand total value nga P311,000.00.
Sa karun nagapabilin sa kustodiya sang MENRO-Panay ang mga nakumpiska subong man ang nadakpan para sa nagakaigo nga disposisyon.
