-- ADVERTISEMENT --
DUMALAG, CAPIZ – Arestado ang 38 anyos nga suspek matapos ginbuno ang iya man lang upod sa inom sa Sitio Masinalum, Barangay San Roque, Dumalag Capiz.
Ang biktima amo si Robert Bendol, residente sang Barangay Agdalepe, Pontevedra, Capiz samtang ang suspek naman amo si Pedro Clarion, taga Barangay Quinanoyan, Dao, Capiz.
Sandig sa impormasyon sang kapulisan, kagab-i, Disyembre 31, 2025, samtang ang biktima kag ang suspek ang naga-inom inom, gilayon na lang sila nga nagbaisay.
Tubtob nga ginbuno sang suspek ang biktima sa natuo nga porsyon sang atubang kag likod nga abaga kag sa nawong sini.
Gilayon naman nga gindala sa ospital ang biktima samtang boluntaryo nga nagsungka sa Dumalag Police Station ang suspek.
-- ADVERTISEMENT --
