-- ADVERTISEMENT --
ROXAS CITY – Arestado ang 43 anyos nga lalaki matapos naaktuhan nga nagpangawat sa isa ka establisyemento sa San Roque Ext., Brgy. VIII, Roxas City.
Ginkilala ang arestado kay Alvin De Leon kag residente sang Brgy. Sibalat, Occidental Mindoro apang temporaryo nga nagapuyo sa Brgy. Lawaan sa sini nga siyudad.
Sandig sa Roxas City PNP, nga gindakop sang security guard nga ginkilala kay Junel Bacea ang suspek nga nagpangawat.
Narekober sa suspek ang mga items nga ball cup (P120), sunglasses (P42),laser for air gun toy (P10) kag Uno Cards (P69) nga may kabug-usan nga nagabalor sang P241.
Sa karon, nakahunong sa karsel sang Roxas City PNP ang suspek para sa nagakaigo nga disposisyon.
-- ADVERTISEMENT --
