ROXAS CITY – Dakup ang 59-anyos nga lalaki matapos nga nakuha sa posesyon sini ang duha ka armas luthang kag ginapatihan iligal nga druga samtang nagapatigayon sang checkpoint sa Barangay Bailan, Pontevedra Capiz, subong nga gab-I, Oktubre 10.
Ginkilala ang arestado kay Roberto Aperocho dela Cruz, residente sang Brgy. San Jose Roxas City.
Sa interview sang Bombo Radyo kay PMaj. Syril Punzalan, hepe sang Pontevedra MPS, samtang nagapatigayon sila sang checkpoint bangud sa ginalalip nga suspek sa pagpangluthang sa banwa sang President Roxas, sang naglabay sa checkpoint si dela Cruz suksok ang duag itom nga bag.
Sa baylo nga magpondo para sa pagtsekyar, nagpalagyo si dela Cruz padulong sa Brgy Linampongan nga madasig naman nga ginlagas sang mga kapulisan.
Natigayon naman ini nga nadakpan kag nakuha sa posesyon sang arestado ang 24 tanan ka sachet sang ginapatihan shabu, duha ka armas-luthang, walo ka bala kag kuwarta nga nakasulod sa itom nga bag.
Suno kay Punzalan, ginakabig nga Top 6 sa bug-os nga probinsya nga nagaduso sang iligal nga droga si dela Cruz.
Ginabulubanta may kabug-aton ini sang mas o menus 500grams kag may street value nga P4-M.
Sa karon, yara na ini sa paghinakup sang Pontevedra MPS para sa nagakaigo nga disposisyon.
Home Local News Lalaki nadakpan sang iligal nga druga kag armas-luthang samtang nagapatigayon sang checkpoint
Lalaki nadakpan sang iligal nga druga kag armas-luthang samtang nagapatigayon sang checkpoint
-- ADVERTISEMENT --
