-- ADVERTISEMENT --
ROXAS CITY – Arestado ang isa ka wanted nga persona matapos ginserbihan sang warrant of arrest sang mga kapulisan sa Barangay Poblacion, Janiuay, Iloilo.
Ginkilala ang nadakpan nga si Joey Melicado, 36 anyos, residente sang Barangay San Nicholas, Tapaz, Capiz nga akusado sa kaso nga Homicide.
Ang warrant of arrest batuk sa akusado ang ginpapanaog ni Judge Rommel Leonor sang RTC, Branch 6, Branch 21, Mambusao sadtong Mayo 28, 2020.
Nakahunong na karon sa karsel sang Tapaz Municipal Police Station si Melicado kag ginrekomendar sang korte ang P120, 000 nga piyansa para sa iya temporaryo nga kahilwayan.
